JCh-2026 saralashidan o‘rin olgan Braziliya – Argentina o‘yinida yirik tartibsizlik sodir bo‘ldi

Madhiyalar ijro etilayotganda Braziliya va Argentina muxlislari o‘rtasida mushtlashuv boshlandi. Politsiya mehmon argentinalik muxlislar faolligini “dubinkalar” bilan to‘xtatishga harakat qildi. Jarayonga futbolchilar aralashib, vaziyatni tinchlantira olmagach, Messi o‘z jamoasini maydondan olib chiqib ketishga qaror qildi.

Uchrashuv yarim soatga kechikib boshlandi. Asosan qo‘pollik va keskinlikdan iborat bo‘ldi. 63-daqiqada Otamendi tomonidan urilgan gol Argentinaga mehmonda muhim g‘alaba keltirdi. Braziliya esa ketma-ket uchinchi o‘yinda mag‘lubiyatga uchrab antirekordlar o‘rnatmoqda.