Karantin paytida qurilish materiallarini qayerdan xarid qilish mumkin?

“O‘zsanoatqurilishmateriallari” uyushmasi raisining matbuot kotibi Jamshid Shermetov karantin vaqtida qurilish materiallarini qayerdan xarid qilish bo‘yicha ma’lumot berdi:

— Qurilish materiallari onlayn xarid orqali amalga oshirilmoqda. Ayni paytda soha korxonalari tomonidan ishlab chiqarilayotgan qurilish materiallarining turi, hajmi va texnik parametrlari haqida “cooperation.uz” portali orqali bilishingiz mumkin.

Portalda ishlab chiqaruvchilar va xaridorlar o‘rtasida to‘g‘ridan-to‘g‘ri shartnomalar imzolanadi. Joriy yilning aprel oyi holatiga portalda a’zo tashkilotlar tomonidan mahsulotlar sotib yetkazib berishga 97,5 milliard so‘mlik 161 ta, turli mahsulotlar sotib olish uchun esa 12,4 milliard so‘mlik 415 ta shartnomalar imzolangan.

Qurilish materiallari xaridlari to‘g‘ridan-to‘g‘ri va birja orqali amalga oshiriladi. Shuningdek, bir qator xususiy internet magazinlari orqali sotib olishingiz mumkin. Hududlarda tashkil etilgan qurilish va xo‘jalik mahsulotlari do‘konlarida ham qurilish materiallari savdosi yo‘lga qo‘yilgan.