Kattaqo‘rg‘onda kuzatuv kamerasi o‘g‘rining qilmishini oshkor etdi
2021 yil 12 maydan 13 mayga o‘tar kechasi Kattaqo‘rg‘on shahridagi g‘isht ishlab chiqarish sexlarining biriga noma’lum shaxs g‘ayriqonuniy ravishda kirib, omborxonadan bahosi 10.240.000 so‘m bo‘lgan 8 dona akkumulyatorlar elektr simlarini kesib oladi. Ammo o‘zining jinoiy harakatlarini oxiriga yetkazmasdan, akkumulyatorlarni devor ostiga qo‘yib, hodisa joyidan ketib qoladi.
Olib borilgan tezkor-surishtiruv harakatlari davomida, mazkur jinoyatni Kattaqo‘rg‘on shahar “Yermachit” mahallasida yashovchi 1994 yilda tug‘ilgan X.Sh. sodir qilganligi aniqlangan.
Samarqand viloyati IIB axborot xizmati xabar berishicha, holat yuzasidan Kattaqo‘rg‘on shahar IIB huzuridagi tergov bo‘limi tomonidan Jinoyat kodeksining 25,169-moddasi 2-qismi bilan jinoyat ishi qo‘zg‘atilgan.
