Kattaqo‘rg‘onda savdo agenti fuqarodan “Lacetti” mashinasini olib berishni va’da qilib, 12 ming dollar olgan
Bosh prokuratura huzuridagi departamentning Kattaqo‘rg‘on tuman bo‘limi tomonidan tergovga qadar tekshiruv o‘tkazildi.
Tekshiruvda “A” avtosaloni savdo agenti Sh.T. fuqaro N.ga “Lacetti L-Elegant/At Plus” avtomashinasini olib berish uchun go‘yoki “V” MChJ tomonidan to‘lov qabul qilinganligi haqida kvitansiya hamda oldi-sotdi shartnomasini taqdim qilganligi aniqlangan. Buning evaziga uning 12 000 AQSh dollarini qo‘lga kiritgan. Shuningdek, tekshiruv davomida Sh.T. tomonidan o‘z aybiga to‘liq iqror bo‘lib 3 900 AQSh dollarini qaytargan holati protsessual tartibda rasmiylashtirilgan.
Mazkur holat yuzasidan Jinoyat kodeksining 168-moddasi (firibgarlik) bilan jinoyat ishi qo‘zg‘atilib, tergov harakatlari o‘tkazilmoqda.
