Koronavirus: Bugungacha dunyodagi vaziyat

Xitoy Sog‘liqni saqlash milliy komissiyasi bergan ma’lumotga ko‘ra, mamlakat ichida bugungi kunga qadar 80151 nafar (2 mart holatiga – 80026  kishi) kasalga chalinganlar qayd etilgan. SCMP (South China Moring Post) nashrining hisobotida qayd etilishicha, koronavirus bilan kasallanganlar soni dunyo bo‘ylab 90,8 mingdan oshib ketgan (2 mart holatiga – 89 mingdan ortiq).

3116 nafar inson halok bo‘lgan (SCMP tomonidan taqdim etilayotgan onlayn-ma’lumot).

Jahon Sog‘liqni saqlash tashkiloti (JSST) bergan so‘nggi ma’lumotga ko‘ra, Xitoy hududidan tashqarida 8 mingdan ortiq (2 mart holatiga - 7 mingdan ortiq) kasallanganlar aniqlangan. Koronavirus bilan kasallanish holatlari 64 mamlakatda qayd etilgan. Xitoy hududidan tashqarida 128 nafar odam kasallik oqibatida vafot etgan.

Rossiya Federatsiyasi Sankt-Peterburg vaksinalar “FMBA” ilmiy tekshiruv institutida yangi turdagi koronavirusga qarshi vaksina yaratilishi 2020 yilning uchinchi choragida rejalashtirilayotganligi haqida xabar berildi. Eslatib o‘tamiz, bir necha kun ilgari Rossiya bosh vaziri o‘rinbosari Tatyana Golikova besh turdagi vaksina namunasi ishlab chiqilganligi to‘g‘risida xabar bergan edi.

AQShda koronavirus qurbonlari 6 nafarga yetdi. So‘nggi to‘rt nafar o‘lim holati Sietlda joylashgan qariyalar uyi bilan bog‘liq.

AQSh vitse-prezidenti Mayk Pens koronavirus yuqtirgan bemorlar uchun yangi turdagi dori vositalari yoz yoki kuz oylarining boshida tayyor bo‘lishini ma’lum qildi.

Janubiy Koreya Prezidenti Mun Chje In koronavirusga qarshi tunu kun kurash olib borilayotganini ta’kidladi. Keyingi 24 soat ichida Janubiy Koreyada 600 nafar yangi kasallanganlar qayd etildi.