Messi yangi rekord o‘rnatdi
Kecha, 6 aprelda La Liganing 31-turida "Barselona" jamoasi o‘z uyida "Atletiko" jamoasi ustidan 2:0 hisobida g‘alaba qozondi. Bu g‘alaba “Barselona” yetakchisi Lionel Messining La Liga doirasida o‘tkazilgan o‘yinlarda qozongan 335-g‘alabasi bo‘ldi va u La Liga o‘yinlarida g‘alaba qozonish bo‘yicha o‘zi bilan teng bo‘lib turgan Realning sobiq darvozaboni Iker Kasilyasni quvib o‘tdi va mutlaq rekorchiga aylandi.
Kasilyasni hozir Portugaliya milliy birinchiligida to‘p surayotganini inobatga olsak, bundan buyog‘iga Messining La Liga doirasidagi o‘yinlarda qozongan har bir g‘alabasi uni rekordini yangilab boraveradi.
