Natijaga erishgan o‘qituvchilarning maoshi mehnatga haq to‘lash bo‘yicha eng kam miqdorning 15 baravarigacha oshiriladi

AOKAda mamlakatimizda ta’lim-tarbiya tizimini yanada takomillashtirish, ilm-fan sohasini rivojlantish masalasida qabul qilinishi kutilayotgan O‘zbekiston Respublikasi Prezidenti Farmoni loyihasi yuzasidan matbuot anjumani bo‘lib o‘tdi.

Anjumanda ishtirok etayotgan Xalq ta’limi vaziri Sherzod Shermatovning qayd etishicha, sinf rahbarligi uchun to‘lovlar 1,5 baravarga oshiriladi. Metodistlarning ish haqi miqdori oliy toifali o‘qituvchining bazaviy tarif stavkasi miqdoriga tenglashtiriladi.

Bitiruvchilarning OTMlarga o‘qishga kirish ko‘rsatkichlari yuqori bo‘lgan umumta’lim muassasalari rahbar xodimlari rag‘batlantiriladi. Shuningdek, xalqaro fan olimpiadalari g‘oliblari o‘qituvchilariga to‘g‘ridan-to‘g‘ri oliy malaka toifasi beriladi.

Vazirning ta’kidlashicha, 2024 yilga qadar yuqori natijalarga erishgan pedagoglarning oylik maoshi mehnatga haq to‘lashning eng kam miqdorining 15 baravarigacha bosqichma-bosqich oshiriladi.

❗️Xalq ta’limi xodimlarini rag‘batlantirish jamg‘armalari tashkil etiladi.