Nega buncha qimmat?
Mijoz: - Mana bu ishlarni bajarish qancha turadi?
Usta: - 1500 dollar.
Mijoz: - Nega buncha qimmat?
Usta: - Nima deb o‘ylaysiz, agar bu ishni o‘zingiz bajarsangiz, sizningcha, qanchaga tushishi mumkin?
Mijoz: - Xo‘-o‘-o‘sh, sirtdan qarasangiz, bu ish unchalik qiyin emasdek. Ko‘pi bilan 800 dollar ketsa kerak.
Usta: - 800 dollar evaziga bu ishni o‘zingiz qilishingizni maslahat beraman.
Mijoz: - Lekin... Men... eplolmasam kerak!
Usta: - Mayli! 800 dollar evaziga men sizga bu ishni o‘rgataman. Keyingi safar kerak bo‘lib qolganida, ko‘nikmaga ega bo‘lasiz.
Mijoz: - Qiziqarli taklif. Roziman!
Usta: - Demak, yoningizda o‘zingiz bilan birga payvandlash agregati, elektr arra, drel, qo‘lqop va...
Mijoz: - To‘xtang! Menda bu jihozlarning hammasi yo‘q va men uni faqat birgina shu ish uchun sotib olmayman-ku axir!
Usta: - Unday bo‘lsa, ishlaringizni bitirib olishingiz uchun men sizga o‘z asboblarimni 300 dollarga ijaraga beraman.
Mijoz: - Yaxshi!
Usta: - Kelishdik! Bo‘lmasa, sizni seshanba kuni kutaman.
Mijoz: - Hmm. Seshanba kuni kela olmayman!
Usta: - Kechirasiz, lekin men faqat seshanba bo‘shman. Boshqa kunlar boshqa buyurtmalarni olib qo‘yganman.
Mijoz: - Yaxshi! Unda men rejalarimni o‘zgartirishimga to‘g‘ri keladi...
Usta: - Men barcha kerakli materiallarni yig‘ib olaman, siz ularni seshanba kuni ertalab soat 6 da mashinangizga yuklab olishingiz kerak. Iltimos, kechikmang.
Mijoz: - Ertalab soat 6 da? Yo‘q! Bu men uchun juda noqulay. Bilasizmi, yaxshisi men sizga 1500 dollar to‘laganim ma’qul. Chunki mening o‘zim ham bu ishni qoyilmaqom qilib bajara olishimga ko‘zim yetmayapti va oxir-oqibat bu ish menga ancha qimmatga tushishini tushunib yetdim.⠀
Suhbat pirovardida biz birovning ishi uchun haq to‘laganimizda, nafaqat asbob va materiallar uchun, balki uning
- bilimi;
- tajribasi;
- ta’limi;
- asboblari;
- layoqati;
- professionalligi;
- ishni o‘z vaqtida aniq bajarishi;
- ishining sifati, kafolati va xavfsiz bajarilganligi uchun ham haq to‘lashimizni bilib olsak yomon bo‘lmasdi.
