Ob-havo: Samarqandda harorat pasayadi, yomg‘ir va qor yog‘adi, kuchli shamol bo‘ladi

Samarqand viloyat gidrometeorologiya boshqarmasining xabar berishicha, bugun - 5 fevral kuni Samarqandda havo o‘zgarib turadi, kechqurun yomg‘ir yog‘adi, ayrim joylarda yomg‘ir qorga aylanadi. G‘arbdan sekundiga 7-12 metr tezlikda esayotgan shamol sekundiga 15-20 metrgacha kuchayishi mumkin.

Havo harorati kechasi va kunduzi 2-5 daraja sovuq, 0-2 daraja iliq bo‘ladi.

6-7 fevral kunlari havo o‘zgarib turadi, ayrim joylarga yomg‘ir va qor yog‘adi. Sharqdan sekundiga 7-12 metr tezlikda shamol esadi. Kechasi 2-7 daraja sovuq, kunduzi 2 daraja sovuq, 3 daraja iliq bo‘ladi.

Odatda xalqimiz havoning issiq-iliq bo‘lishini xohlaydi. Ammo ayni kunlarda yomg‘irni, ayniqsa qor yog‘ishini chin dildan istashyapti. Ishqilib, qor, yomg‘ir yog‘sin! Zavq-shavq, qut-baraka shunda.