Ob-havo: Samarqandda ko‘klam nafasi!

Samarqand viloyat gidrometeorologiya boshqarmasi ma’lumotiga ko‘ra, fevral oyining so‘nggi kunlari viloyat hududida haqiqiy ko‘klam nafasi seziladi.

Bugun - 27 fevralda havo o‘zgaruvchan bo‘lib, yog‘ingarchilik bo‘lmaydi. Yengil shamol esadi. Harorat kechasi 2-7 daraja, kunduzi 15-17 daraja iliq bo‘ladi.

28 fevral kuni bulutlilik ortib, ayrim joylarga kuchsiz yomg‘ir yog‘adi. Harorat kechasi 3-8 daraja, kunduzi 13-18 daraja iliq bo‘ladi.