Oliy sud tomonidan Samarqand viloyatida o‘tkazilgan sayyor qabulda 21 murojaat joyida hal etildi
Bugun, 10 noyabr kuni Oliy sud raisi o‘rinbosari I. Muslimov va Oliy sud sudyalarining Samarqand shahri, Samarqand, Past Darg‘om va Nurobod tumanlari aholisi uchun ommaviy sayyor qabuli o‘tkazildi.
Unda 98 nafar fuqaro qabul qilindi. Shundan 21 ta murojaat joyida hal qilinib, jazo o‘tayotgan shaxslar jazodan ozod qilindi hamda ma’muriy ishlar bo‘yicha 14 ta murojaat qanoatlantirildi.
27 ta murojaat Oliy sudda nazorat tartibida o‘rganish uchun qabul qilinib, qolgan murojaatlar bo‘yicha tegishli huquqiy tushuntirish berildi.
