Oqdaryoda Maktabgacha ta’lim vaziri o‘rinbosari sayyor qabul o‘tkazdi
Bugun, 11 dekabr kuni Oqdaryo tumani hokimligida Maktabgacha ta’lim vazirining birinchi o‘rinbosari Sobitxon Turg‘unov sayyor qabul o‘tkazdi.
Sayyor qabulda fuqarolarning murojaatlari tinglanib, aholi tomonidan bildirilgan masalalarning aksariyati joyida bartaraf etildi, ayrimlariga tegishli tushuncha va tavsiyalar berildi.
Jumladan, qabulda Nargiza Valiyeva ishga joylashish masalasida murojaat qildi. Vazir o‘rinbosarining tuman MTT mutasaddilari bilan maslahatlashishi samarasida N.Valiyeva 4-bog‘chaga ishga joylashadigan bo‘ldi. Shuningdek, Mohiya Butakova Bobur mahallasidagi 2019 yil investitsiya dasturi asosida tamirlangan 10-MTTning jihozlari kechikayotganligini bildirdi. Ushbu masalani o‘rganib, qisqa fursatlarda hal etish yuzasidan tegishli mutasaddilarga topshiriqlar berildi.
Oqdaryo tumani maktabgacha ta’lim bo‘limi.
