Past Darg‘omda 43 yoshli ayol o‘z joniga qasd qildi
Viloyat prokuraturasi xabariga ko‘ra, shu yil 3 oktyabrdan 4 oktyabr kuniga o‘tar kechasi Past Darg‘om tumanida yashagan 43 yoshli S.S. ota-onasi yashab kelayotgan uyning hovlisidagi daraxtga o‘zini osib, joniga qasd qilgan.
Ma’lum qilinishicha, marhumaning 5 nafar farzandi bo‘lgan. Mazkur holat yuzasidan sudga oid tibbiy ekspertiza tayinlangan.
Marhum S.S.ning o‘z joniga qasd qilganligi sabablarini aniqlash maqsadida uning turmush o‘rtog‘i, oila a’zolari, qo‘ni-qo‘shni va mahalladagilardan tushuntirish xatlari olingan, tegishli tashkilotlarga so‘rov xatlari yuborilgan, xizmat tekshiruvlari tayinlangan.
Hozirda holat yuzasidan tuman prokuraturasi tomonidan tergovga qadar tekshiruv harakatlari olib borilmoqda.
