Paxtachida 10 kg “opiy” olib o‘tayotgan shaxslar ushlandi
Davlat xavfsizlik xizmatining Samarqand viloyati bo‘yicha boshqarmasi xodimlari tomonidan Paxtachi tumanidagi “Samarqand muntazam” YPX maskanida “Spark” rusumli avtomashina to‘xtatilib, ko‘zdan kechirilgan.
Natijada, avtomashinada Urgut va Oqdaryo tumanlarida yashovchi 2 nafar fuqaroning yonida 10 kg “opiy” giyohvand moddasi borligi aniqlangan.
Ular Tojikiston Respublikasidan kontrabanda yo‘li bilan olib kelingan ushbu ajal og‘usini Xorazm viloyatida sotishni rejalashtirishgan.
