Payariqda "Nexia" avtomashinasida yong‘in sodir bo‘ldi
Viloyat favqulodda vaziyatlar boshqarmasi xabariga ko‘ra, kecha, 24 aprel kuni soat 19:13 da Payariq tumani "Yangi hayot" mahalla fuqarolar yig‘inida joylashgan "Jahongir Pristij" MChJga qarashli AGTKShning chiqish eshigi oldida “Neksiya” rusumli avtomobilning motor qismida yong‘in sodir bo‘lgan.
2003 yilda ishlab chiqarilgan avtomashina 1948 yilda tug‘ilgan fuqaroga tegishli bo‘lgan. Voqea joyiga 1 ta yong‘in-qutqaruv ekipaji soat 19:15 da yetib borib, yong‘in soat 19:18 da o‘chirilgan.
Hodisa oqibatida tan jarohati olgan va halok bo‘lganlar yo‘q.
Hozirda tergovga qadar tekshirish ishlari olib borilib, yong‘inning kelib chiqish sababi va zarari aniqlanmoqda.
