“Qizil kitob”ga kiritilgan kiyik shoxlarini xorijga olib chiqayotgan fuqaro ushlandi
Surxondaryo viloyati bojxona boshqarmasi “Sariosiyo” chegara bojxona posti “Bobotog‘” chegara bojxona punkti orqali qo‘shni davlatga chiqayotgan fuqaro Q.A. belgilangan tartibda bojxona nazoratidan o‘tkazildi. Bu haqda Davlat bojxona qo‘mitasi axborot xizmati xabar bermoqda.
Natijada, fuqaroga tegishli sumka ichidan tegishli ruxsatnomasi bo‘lmagan, deklaratsiyalanmagan va og‘zaki so‘rovda aytilmagan 3 dona “O‘zbekiston Respublikasi Qizil kitobi”ga kiritilgan kiyik (xongul, Buxoro bug‘usi) shoxlari borligi aniqlandi.
Hozirda mazkur holat yuzasidan bojxona organlari tomonidan surishtiruv harakatlari olib borilmoqda.
