Qurilishda ishlayotgan 4 nafar ishchining vafoti yuzasidan ma’lumot berildi
Joriy yilning 28 avgust kuni Olmazor tumani, Nurafshon ko‘chasida qurilayotgan savdo majumasi binosining metall bilan yopilgan tom qismi qulab tushishi oqibatida qurilish-ta’mirlash ishlarini bajarayotgan 4 nafar ishchi og‘ir turdagi tan jarohatlari olib, vafot etgan. 2 nafar ishchi esa hodisa joyida bo‘lgan fuqarolarning ko‘magi ostida shifoxonaga yotqizilgan. Bu haqda Bosh prokuratura matbuot xizmati xabar bermoqda.
Mazkur holat yuzasidan Toshkent shahar prokuraturasi tomonidan tegishli moddalar bilan jinoyat ishi qo‘zg‘atilib, dastlabki tergov harakatlari olib borilmoqda.
