Samarqand shahrida "Yoshlar va qonun" ko‘rik-tanlovining viloyat bosqichi bo‘lib o‘tdi

Samarqand shahridagi Yoshlar markazida "Yoshlar va qonun" ko‘rik-tanlovining viloyat bosqichi bo‘lib o‘tdi.

Tadbirda barcha tuman va shaharlardan kelgan bittadan umumiy o‘rta ta’lim muassasalari jamoalari huquqiy bilimlarini to‘rtta shart bo‘yicha sinovdan o‘tkazdi.

Ishtirokchilarning chiqishlari malakali mutaxassislardan iborat hakamlar hay’ati tomonidan baholab borildi.

Tanlov natijalariga ko‘ra, birinchi o‘rin Narpay tumanidagi 17-umumiy o‘rta ta’lim maktabining “Tafakkur” jamoasiga nasib etdi. Keyingi o‘rinlarni esa Urgut tumanidagi 35-umumiy o‘rta ta’lim maktabining “Liberal” va Samarqand tumanidagi 9-umumiy o‘rta ta’lim maktabining  “Lawyers” jamoasi band qildi.

G‘oliblarga diplom, faxriy yorliq va esdalik sovg‘alari  topshirildi.

G‘ofurjon Bobobekov.