Samarqand shahridagi 300 ga yaqin ko‘p qavatli uylarni ta’mirlash ishlari bajarilgan

Samarqand shahridagi ko‘p qavatli uy-joylarning texnik holati mutasaddilar tomonidan o‘rganib chiqildi va mavjud kamchiliklarni bartaraf etish bo‘yicha ishlar amalga oshirilmoqda.

Jumladan, joriy yilda shahardagi 1065 ta ko‘p-qavatli uy-joy fondining hozirgi kundagi texnik holati xatlovdan o‘tkazilib, aniqlangan kamchiliklar yuzasidan 353 ta ko‘p qavatli uyni ta’mirlash uchun “Samarqand viloyatini obodonlashtirish va farovonligini oshirish jamg‘armasi” hisobidan 71,1 milliard so‘m mablag‘ ajratilgan.

Hozirgacha mazkur mablag‘lar hisobidan shahardagi 300 ga yaqin ko‘p qavatli uy-joylarda ta’mirlash ishlari bajarildi.
Qolgan uy-joylardagi kamchiliklarni tuzatish bo‘yicha ishlar davom ettirilmoqda.

Samarqand shahar hokimligi axborot xizmati.