"Samarqand — Toshkent — Samarqand" yo‘nalishida qo‘shimcha "Afrosiyob" poyezdlari yo‘lga qo‘yiladi

"O‘zbekiston temir yo‘llari" kompaniyasi ma’lum qilishicha, ushbu qo‘shimcha qatnov 14 — 18 sentyabr Samarqand shahrida o‘tkazilishi belgilangan ShHT a’zo davlatlar rahbarlari kengashining navbatdagi yig‘ilishi sabab yo‘lovchilar uchun qo‘shimcha qulaylik yaratish maqsadida yo‘lga qo‘yilmoqda.

767/768-sonli "Samarqand — Toshkent — Samarqand" yo‘nalishida "Afrosiyob" yuqori tezlikdagi elektropoyezdlarining harakati 12 sentyabr kunidan 18 sentyabrgacha 7 ta reysga yo‘lga qo‘yiladi va quyidagi vaqt oralig‘ida harakatlanadi:

➖767-sonli "Samarqand — Toshkent" yo‘nalishidagi poyezd "Samarqand" vokzalidan soat 11:08 da jo‘nab, "Toshkent-Markaziy" vokzaliga soat 13:18 da yetib boradi.

➖768-sonli "Toshkent — Samarqand" yo‘nalishidagi poyezd "Toshkent-Markaziy" vokzalidan 13:40 da jo‘nab, "Samarqand" vokzaliga soat 15:48 da yetib boradi.