Samarqandda 6,02 gramm "opiy" sotayotgan shaxs ushlandi
Samarqand tumani Joysoy mahallasida yashovchi fuqaro S.N “opiy“ giyohvand moddasi sotishni maqsad qilib, savdoga qo‘l urgan vaqtda ushlandi, deya xabar beradi Samarqand viloyati IIB matbuot xizmati.
U viloyat IIB jinoyat qidiruv bo‘limi xodimlari tomonidan tintuv qilinganda yonida 6,02 gramm opiy giyohvandlik moddasi borligi aniqlangan.
Shuningdek, fuqaro S.N.ning ushbu jinoiy ishi bilan bog‘liq olib borilgan surishtiruvlarda uning xonadonida 365,85 gramm “opiy“ giyohvandlik moddasi borligi aniqlanib, daliliy ashyo sifatida olib qo‘yilgan.
Mazkur holat yuzasidan O‘zbekiston Respublikasi JKning 273-moddasi 5-qismi bilan jinoyat ishi qo‘zg‘atilib, tergov harakatlari olib borilmoqda.
