Samarqandda “Tez yordam”ning hududiy filialiga 20 ta “Volkswagen Caddy” avtomashinasi topshirildi
Tibbiyot xodimlari kuni arafasida Respublika tez tibbiy yordam markazi Samarqand filialining barcha stansiyalariga navbatdagi 20 dona “A” toifali “Volkswagen Caddy” tez tibbiy yordam avtomashinalari topshirildi.
Mazkur zamonaviy avtotransport vositalari Sog‘liqni saqlash vazirligi hamda “Jizzakh Auto” o‘rtasida imzolangan shartnomaga muvofiq keltirilgan bo‘lib, bugun “103” xizmati stansiyalari mas’ullari avtomashinalarni qabul qilib oldi.
- Bugungi kunda viloyatimizdagi “103” xizmatidagi eskirgan avtoulovlar bosqichma-bosqich zamonaviylariga almashtirilmoqda, - dedi viloyat sog‘liqni saqlash boshqarmasi boshlig‘i vazifasini bajaruvchi S.Zayniyev. - Oxirgi besh yilda viloyatda 100 ta tez yordam mashinasi yangisiga almashtirildi. Yil yakuniga qadar viloyatdagi tez tibbiy yordam statsiyalariga yana 30 ta ana shunday transport vositasi keltirilishi rejalashtirilgan.
