Samarqandda Tibbiyot universitetiga kiritib qo‘yishni va’da qilgan firibgar ushlandi
U shuningdek, chet tilini bilish darajasi haqidagi C1 milliy sertifikatini ham olib bermoqchi bo‘lgan. (Olgan ham, bergan ham jinoiy javobgarlikka tortilishi mumkinligi xabar qilingan).
Holat Bosh prokuratura huzuridagi departament hamda DXXning viloyati boshqarmalari tomonidan o‘tkazilgan tadbirda fosh qilingan. Unda fuqaro Sh.J. fuqaro M.E.ga tanishlari yordamida Samarqand davlat tibbiyot universitetiga o‘qishga kiritib qo‘yishi va C1 darajasidagi milliy sertifikat olib berishi evaziga 7200 AQSh dollarini olgan vaqtida ashyoviy dalillar bilan ushlangan.
Holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishlari qo‘zg‘atilib, tergov harakatlari o‘tkazilmoqda.
