Samarqandda xalqaro triatlon musobaqasi o‘tkaziladi

Qadimiy va hamisha navqiron Samarqand navbatdagi yirik sport musobaqasiga mezbonlik qilishga tayyorgarlik ko‘rmoqda.

10-11 iyun kunlari O‘zbekiston Respublikasi Yoshlar siyosati va sport vazirligi, Milliy olimpiya qo‘mitasi, O‘zbekiston triatlon federatsiyasi va Samarqand viloyat hokimligining tashabbusi bilan eshkak eshish kanali va uning tutash hududida triatlon bo‘yicha “2023 Asia Triatlon Cup Samarqand” xalqaro musobaqasi va O‘zbekiston chempionati o‘tkaziladi.

Bugungi kunda sport tadbirlarini o‘tkazishga tayyorgarlik ko‘rish va uni yuqori saviyada tashkil etish bo‘yicha chora-tadbirlar rejasi ishlab chiqilgan bo‘lib, tashkiliy qo‘mita faoliyat ko‘rsatmoqda.

Samarqandda ilk bor tashkil etilayotgan xalqaro triatlon musobaqasida sportchilar 1500 metr masofaga suzish, 43 kilometr masofaga velopoyga va 10 kilometr masofaga yugurish bo‘yicha o‘zaro bahslarga kirishadi.

Xalqaro musobaqani o‘tkazish bo‘yicha muntazam ravishda ma’lumot berib boriladi.

Qo‘shimcha ma’lumot uchun: 90-194-85-22.

Tashkiliy qo‘mita.