Samarqandlik badiiy gimnastikachi Taxmina Ikromova O‘zbekiston uchun Parij-2024 yozgi olimpiya o‘yinlariga ilk yo‘llanmani taqdim qildi

Ispaniyaning Valensiya shahrida badiiy gimnastika bo‘yicha jahon chempionati bo‘lib o‘tmoqda.

Musobaqada ishtirok etgan samarqandlik sportchi Taxmina Ikromova O‘zbekiston delegatsiyasi uchun Parij-2024 yozgi olimpiya o‘yinlarining ilk yo‘llanmasini taqdim qildi.

Taxmina ko‘pkurash dasturida 4 mashq yakunidan so‘ng 124.200 ball bilan 9 o‘rinni egalladi va bu bilan Parij-2024 olimpiadasiga yo‘llanma beruvchi 14 talikdan joy oldi.

Shuningdek, sportchimiz bulava va tasmadagi mashqda final bosqichiga chiqdi.