Samarqandning eng faol jurnalistlari aniqlandi

O‘zbekiston Jurnalistlar uyushmasi viloyat bo‘limi boshqaruv hay’atining yig‘ilishi bo‘lib o‘tdi.

Yig‘ilishda 27 iyun – Matbuot va ommaviy axborot vositalari xodimlari kuni munosabati bilan viloyat hokimligi va O‘zbekiston Jurnalistlar uyushmasi viloyat bo‘limi hamkorligida o‘tkazilgan “Samarqandning eng faol jurnalisti” tanlovi yakunlari ko‘rib chiqildi.

Unga ko‘ra, quyidagilar tanlov g‘oliblari deb topildi:

Bosma nashrlar yo‘nalishida

To‘lqin Siddiqov – viloyat “Zarafshon” gazetasi muxbiri

Viloyatda ijtimoiy-iqtisodiy islohotlar, tadbirkorlik, ta’lim, turizm, yoshlar faoliyatini yoritishdagi faolligi uchun

Dilafro‘z Oblaqulova – viloyat “Ovozi Samarqand” gazetasi  muxbiri

Hududda amalga oshirilayotgan ijtimoiy-iqtisodiy islohotlar, xususan, ta’lim, jamiyatda faolbo‘lgan xotin-qizlar mavzusini yoritishdagi faolligiuchun

Tohir Hamidov – Kattaqo‘rg‘on shahar “Kattaqo‘rg‘on tongi” gazetasi muharriri

Hududlarda amalga oshirilayotgan ijtimoiy-iqtisodiy islohotlar, to‘ylar mavzusi, jamiyatda faolbo‘lgan zamondoshlar siymosini yoritishdagi faolligiuchun

Dilrabo Kamolova – Toyloq tumani“Qo‘shchinor” gazetasi muxbiri

Hududda ta’lim, madaniyat, ma’rifiy, ijtimoiy-iqtisodiy, ekologiya sohalaridagi o‘zgarishlarniyoritishdagi faolligi uchun

Internet jurnalistika yo‘nalishida

Shuhrat Shokirjonov – kun.uz veb-sayti muharriri, Samarqand viloyati bo‘yicha maxsus muxbiri

Viloyatning ijtimoiy-siyosiy, turizm salohiyati, qurilish, madaniy-ma’rifiy sohalarni yoritishdagi faolligi hamda turli yo‘nalishdagi tahliliy, tanqidiy mavzulardagi maqolalari uchun

Televideniye yo‘nalishida

Abdurasul Ashurov – viloyat teleradiokompaniyasi televideniye guruhi o‘z muxbiri

Jamiyatning ijtimoiy-iqtisodiy islohotlari, xususan, “Davlat dasturi – amaldi”, “Inson qadri ulug‘”, “Ma’naviyat saboqlari”, “Murojaat va ijro” “Ehtirom” kabi mualliflik ko‘rsatuvlari uchun

Radio yo‘nalishida

Zilola Pirnazarova – viloyat teleradiokompaniyasi radio guruhi birinchi toifali muxbiri

Ijtimoiy-iqtisodiy, xususan, “Yoshlar siyosati”, “Tibbiyotdagi islohotlar”, “E’tibor va samara”, “Ekoturizm istiqbollari” kabi mualliflik eshittirishlari uchun

Axborot xizmati yo‘nalishi

Mansur Hasanov – viloyat adliya boshqarmasi axborot xizmati rahbari

Aholi, xususan, yoshlar o‘rtasida huquqiy savodxonlikni oshirishga qaratilgan “Adliyadan huquqiy yordam”, “Huquq taym”, “Adliya javob beradi”, “Mutaxassis sharhi” kabi loyihalari uchun