Taniqli yozuvchi, tarjimon va ijodkorlar viloyat Matbuot uyiga keldi
“Turkiy adabiyot durdonalari” to‘plamini tayyorlashda ishtirok etgan yozuvchi, shoir va ijodkorlar — Adhambek Alimbekov, Tohir Qahhor, Risolat Haydarova, Shahlo Qosimova hamda viloyatdagi adabiy jamoatchilik vakillari viloyat Matbuot uyida bo‘ldi.
Mehmonlar dastlab “Zarafshon”, “Samarkandskiy vestnik” va “Ovozi Samarqand” gazetalari tahririyati faoliyati bilan tanishdi.
Tadbirda "Zarafshon” va “Samarkandskiy vestnik” gazetalari bosh muharriri F.Toshev tahririyatlardagi ijodiy muhit, muxbirlarga yaratilgan sharoitlar, yangilik va xabarlarning yoritilishi haqida ma’lumot berdi.
Uchrashuv davomida mehmonlar viloyat matbuoti tarixi muzeyini tomosha qildi.
