Tibbiyot birlashmasi kuz-qish mavsumiga qanday tayyorgarlik ko‘ryapti?
Oqdaryo tumani hokimi Najmiddin Sulaymonov tuman tibbiyot birlashmasining shoshilinch tibbiy yordam bo‘limidagi bemorlar va shifokorlar uchun yaratilgan shart-sharoitlar bilan tanishdi. Bu yerda aholiga tez tibbiy yordam ko‘rsatish ishlarini kuzatdi, bu borada yo‘l qo‘yilayotgan xato-kamchiliklarni bartaraf etish bo‘yicha mutasaddilarga zarur topshiriqlar berdi.
Hozirda shifoxona bo‘limlarini kuz-qish mavsumiga tayyorlash, jumladan, tabiiy gaz, elektr energiyasi tarmoqlari, issiq va sovuq suv, kanalizatsiya tizimlarini ta’mirlash ishlari olib borilmoqda. Shuningdek, shoshilinch tez yordam bo‘limi hovlisining 500 metr qismiga asfalt yotqizish ishlari yakuniga yetkazildi.
Oqdaryo tumani hokimligi axborot xizmati.
