Toshkentdagi yangi qurilayotgan ko‘p qavatli uyda yong‘in chiqdi

Bugun, 4 iyul kuni Toshkent shahar Yakkasaroy tumanida qurilayotgan ko‘p qavatli uyda yong‘in sodir bo‘ldi. Bu haqda Toshkent shahar yong‘in xavfsizligi boshqarmasi Matbuot xizmati xabar berdi.

Yong‘in soat 06:33 da Yakkasaroy tumani, Mirobod ko‘chasi 35-uy qarshisida yangi qurilayotgan uyning yerto‘lasida yuz bergan. Yerto‘lada 40 kv.m maydonda penoplast bo‘laklari yongan.

Yong‘in joyiga 4 ta yong‘in o‘chirish texnikasi jalb qilingan. Voqea joyiga yetib borgan yong‘in o‘chirish jangovar bo‘linmalarining tezkor harakatlari natijasida yong‘in soat 06:44 da bartaraf etilgan.

Yong‘in sigareta chekishda extiyotsizlik oqibatida sodir bo‘lgan deb, tahmin qilinmoqda. Yong‘indan keltirilgan moddiy zarar miqdori aniqlanmoqda.