Toshkentdan Rossiyaga muntazam avtobus qatnovlari tiklanmoqda

Bugun, 18 iyuldan Rossiyaning Moskva, Qozon va Sankt-Peterburg shaharlariga muntazam avtobus qatnovlari qayta tiklanadi. Mazkur yo‘nalishlarda qatnovlar "Uzautotrans service" MChJ korxonasining Yutong avtobuslarida amalga oshiriladi, deya xabar berdi Transport vazirligi axborot xizmati.

Unga ko‘ra, 18 iyuldan boshlab, haftaning dushanba va payshanba kunlari "Toshkent" avtovokzalidan soat 12:00 da Toshkent–Moskva yo‘nalishida qatnovlar amalga oshiriladi.

Toshkent–Qozon yo‘nalishida qatnovlar haftaning seshanba va juma kunlari bajariladi. Avtobuslar "Toshkent" avtovokzalidan soat 11:00 da harakatlanishni boshlaydi.

Toshkent–Sankt-Peterburg yo‘nalishida qatnovlar haftaning chorshanba va shanba kunlari amalga oshiriladi. Avtobuslar "Toshkent" avtovokzalidan soat 16:00 da yo‘nalish bo‘ylab harakatlandi.