Tramp kasallikdan tuzalib, saylovoldi kampaniyasiga qaytdi
Koronavirus infeksiyasi bilan kasallanib tuzalgan AQSh prezidenti Donald Tramp o‘zining saylovoldi kampaniyasiga qaytganini rasman e’lon qildi. Bu haqda “Izvestiya” nashri ma’lum qildi.
“Menda immunitet bor. Demak, prezident janglarda kurash olib borish uchun juda yaxshi holatda”, - dedi Amerika yetakchisi Florida shtatidagi tarafdorlari bilan bo‘lgan uchrashuvda.
12 oktyabr kuni Oq uy rahbarini davolovchi shifokor Shon Konli, so‘nggi bir necha kun davomida prezidentning koronavirusga topshirgan test tahlillari unda koronavirus infeksiyasi yo‘qligini ko‘rsatganini ma’lum qildi.
