Urgutdagi kollej o‘rnida SamDU filiali tashkil etiladi

Samarqand viloyati hokimining 2020 yil 1 iyuldagi qaroriga ko‘ra, Urgut agrosanoat va servis kasb-hunar kollejining bino va inshootlari tumandagi 11-umumiy o‘rta ta’lim maktabiga qo‘shimcha bino sifatida beriladi.

Tumandagi iqtisodiyot va servis kasb-hunar kolleji o‘rnida esa Samarqand davlat universitetining filialini tashkil etish belgilandi.

Bundan tashqari, Samarqand davlat universitetining 3-akademik litseyi bino va inshootlari universitet huzurida aniq fanlarga ixtisoslashtirilgan iqtidorli o‘quvchilar maktabini tashkil etish uchun ajratildi.