Android qurilmalar uchun Zarnews.uz mobil ilovasi. Yuklab olish x

Xorij voqealari qisqa xabarlarda: Amerikalik askar “Falastinga ozodlik!” deya baqirib o‘zini yoqib yubordi

🔹 Isroil bosh vaziri, agar garovga olinganlarni ozod qilish bo‘yicha kelishib olish imkoni bo‘lsa, Rafahdagi operatsiya qoldirilishi mumkinligini aytdi. AQSh, Misr, Qatar va Isroil vakillari G‘azo sektoridagi garovga olinganlarni ozod qilish bo‘yicha kelishuvning asosiy shartlari bo‘yicha kelishuvga erishdi. Netanyahu Rafahga hujum to‘xtamasligi, faqat kechiktirilishini aytgan. Tinchlik muzokaralari Qatarda davom etadi.

🔹 Shu kunlarda Isroil hukumatining rejalari mamlakat tashqarisida ham, mamlakat ichida ham kuchli qarshiliklarga duch kelmoqda. Tel-Avivda otliq politsiya norozi olomonni suv bilan tarqatib yuborishga uringan, tartibsizliklar avj olmoqda.

🔹 Turkiya yetakchisi Rajab Toyyib Erdo‘g‘an 70 yoshga to‘ldi. Shu munosabat bilan Turkmaniston prezidenti Serdar Berdimuhamedov Erdo‘g‘onga “Turkmanistonning faxriy oqsoqoli” unvonini berdi.

🔹 Eyfel minorasi ish tashlashdan keyin qayta ochildi. Kasaba uyushmalari va rahbariyat 2031 yilgacha zarur texnik xizmat ko‘rsatishni ta’minlovchi 380 million yevrolik investitsiya rejasini tasdiqladi. Olti kunlik ish tashlashda Eyfel minorasi 100 ming kirish chiptasidan mahrum bo‘lgan.

🔹 Ukraina prezidenti Vladimir Zelenskiy Rossiyaning keng ko‘lamli bosqinining boshlanishidan buyon ikki yil ichida 31 ming ukrainalik askar halok bo‘lganini aytdi. U yarador yoki bedarak yo‘qolgan harbiylar sonini oshkor qilmasligini aytdi. Ukraina Mudofaa vazirligi aytishicha, mamlakatni himoya qilish bo‘yicha 2024 yilga mo‘ljallangan “kuchli rejasi” bor va hozircha oshkor etilmaydi.

🔹 Donald Tramp Janubiy Karolinadagi praymerizda g‘alaba qozondi.

🔹 Amerikalik askar Isroilning Vashingtondagi elchixonasi oldida “Falastinga ozodlik!” deya baqirib o‘zini yoqib yuborgan. Jabrlanuvchi kasalxonaga yotqizilgan, uning ahvoli og‘ir.

🔹 AQSh Kongressi Vakillar palatasining Xitoy bilan strategik raqobat bo‘yicha saylovchi qo‘mitasi raisi Mayk Gallager Ilon Mask mamlakat hukumati oldidagi majburiyatlarini buzayotganini aytdi. Tayvan internetiga kirishni ta’minlamagan Maskning SpaceX kompaniyasiga qarshi da’volar paydo bo‘lgan.

🔹 Daniya “Shimoliy oqim” gaz quvuridagi portlashlar bo‘yicha tergovni to‘xtatdi. Ayni paytda Germaniyada portlashlar bo‘yicha dastlabki tergov davom etmoqda. 2022 yil sentyabr oyi oxirida Boltiq dengizida “Shimoliy oqim 1”ning ikkala yo‘nalishida va “Shimoliy oqim-2” liniyalaridan birida quvurlar vayron bo‘lgan. Keyinroq Shvetsiya razvedka xizmatlari voqea joyida portlovchi moddalar izlari topgan.