Yurtimiz dehqon bozorlarida narx-navo qanday?
O‘zbekiston Respublikasi Davlat statistika qo‘mitasi 2020 yil 10 mart kuni o‘tkazgan kuzatuvi asosida yurtimiz markaziy dehqon bozorlarida alohida turdagi oziq-ovqat mahsulotlarining minimal-maksimal narxlari e’lon qildi.
Quyida ana shu mahsulotlar uchun belgilangan eng qimmat va arzon qiymatlar bilan tanishishingiz mumkin.
Mol go‘shti (suyaksiz go‘shtidan tashqari) 36 000 so‘mdan 60 000 so‘mgacha (kilogrami)
Kuzatuv natijasiga ko‘ra, 1 kilogramm mol go‘shtining (suyaksiz go‘shtdan tashqari) minimal narxi Toshkent shahrining “Eski jo‘va dehqon bozori”da qayd etilgan (36 000 so‘m). Mol go‘shtining maksimal narxi esa Toshkent shahrining “Oloy dehqon bozori” va “Mirobod dehqon bozori”da kuzatildi (60 000 so‘m).
Qo‘y go‘shti 39 000 so‘mdan 70 000 so‘mgacha (kilogrami)
Qo‘y go‘shtining minimal narxi kuzatuv natijasiga ko‘ra, Toshkent shahrining “Qo‘yliq dehqon bozori” va “Mirobod dehqon bozori”da (39 000 so‘m) ro‘yxatga olingan. Maksimal narxi esa Toshkent shahrining “Oloy dehqon bozori”da (70 000 so‘m) kuzatildi.
Kartoshka 1 200 so‘mdan 6 000 so‘mgacha (kilogrami)
Olib borilgan kuzatuv natijalariga ko‘ra, kartoshkaning minimal narxi Toshkent shahrining “Eski jo‘va dehqon bozori” va “Mirobod dehqon bozori”da qayd etilgan (1 200 so‘m). Maksimal narxi esa Toshkent shahrining “Oloy dehqon bozori”da (6 000 so‘m) qayd etildi.
Piyoz 1 500 so‘mdan 4 300 so‘mgacha (kilogrami)
Kuzatuv natijasiga ko‘ra, piyoz mahsulotining minimal narxi Andijon shahrining “Yangi bozor dehqon bozori”, Jizzax shahrining “Jizzax markaziy dehqon bozori”, Qarshi shahrining “Qarshi dehqon oziq-ovqat bozori”, Samarqand shahrining “Damariq dehqon bozori”, Yangiyo‘l shahrining “Ixtisoslashgan Yangiyo‘l shahar dehqon bozori”, Chirchiq shahrining “Chirchiq shahri dehqon bozori”da (1 500 so‘m) ro‘yxatga olindi. Maksimal narxi esa Urganch shahrining “Urganch markaziy dehqon bozori”da kuzatildi (4 300 so‘m).
Sabzi 700 so‘mdan 4 500 so‘mgacha (kilogrami)
Sabzi mahsulotining minimal narxi kuzatuv natijasiga ko‘ra, Urganch shahrining “Urganch markaziy dehqon bozori”da (700 so‘m) qayd etilgan. Maksimal narxi esa Toshkent shahrining “Oloy dehqon bozori”da (4 500 so‘m) kuzatildi.
Tuxum 4 000 so‘mdan 10 000 so‘mgacha (10 dona)
Tuxum mahsulotining kuzatuv natijasiga ko‘ra, minimal narxi Yangiyo‘l shahrining “Ixtisoslashgan Yangiyo‘l shahar dehqon bozori”, Toshkent shahrining “Farhod dehqon bozori” va “Qo‘yliq dehqon bozori”da qayd etildi (4 000 so‘m). Maksimal narxi esa Toshkent shahrining “Oloy dehqon bozori”da qayd etilgan (10 000 so‘m).
Guruch 3 800 so‘mdan 18 000 so‘mgacha (kilogrami)
Kuzatuv natijalariga ko‘ra, guruch mahsulotining minimal narxi Nukus shahrining “Nukus dehqon bozori”da ro‘yxatga olingan (“Nukus” navli guruch 3 800 so‘m). Maksimal narx esa Toshkent shahrining “Oloy dehqon bozori” va “Mirobod dehqon bozori”da kuzatildi (“Lazer” navli guruch 18 000 so‘m).
O‘simlik yog‘i 8 400 so‘mdan 13 500 so‘mgacha (1 litr)
O‘simlik yog‘i mahsulotlarining kuzatuv natijasiga ko‘ra, minimal narx Toshkent shahrining “Eski jo‘va dehqon bozori” va “Qo‘yliq dehqon bozori”da (mahalliy paxta yog‘i 8 400 so‘m) kuzatildi. Maksimal narx esa Chirchiq shahrining “Chirchiq shahri dehqon bozori” hamda Toshkent shahrining “Eski jo‘va dehqon bozori”, “Oloy dehqon bozori”, “Farhod dehqon bozori” va “Mirobod dehqon bozori”da (kungaboqar yog‘i 13 500 so‘m) kuzatildi.
Shakar 5 500 so‘mdan 6 500 so‘mgacha (kilogrami)
Shakar mahsulotining kuzatuv natijasiga ko‘ra, minimal narxi Navoiy shahrining “Saxovat bozori”, Toshkent shahrining “Farhod dehqon bozori”, “Mirobod dehqon bozori”, “Eski jo‘va dehqon bozori” va “Qo‘yliq dehqon bozori”, “Oloy dehqon bozori”da (5 500 so‘m) qayd etildi. Maksimal narxi esa Nukus shahrining “Nukus dehqon bozori”, Andijon shahrining “Yangibozor dehqon bozori” va “Andijon shahar markaziy dehqon bozori”, Jizzax shahrining “Jizzax markaziy dehqon bozori” va “Eski shahar dehqon bozori”, Termiz shahrining “Termiz shahar dehqon oziq-ovqat bozori”, “Markaziy dehqon oziq-ovqat bozori” hamda Toshkent shahrining “Oloy dehqon bozori”da (6 500 so‘m) kuzatildi.
