Android qurilmalar uchun Zarnews.uz mobil ilovasi. Yuklab olish x

Payariqda qotillik jinoyatini sodir etgan o‘qituvchilarga nisbatan sud jarayoni boshlandi

Tergov organi tomonidan Payariq tumani xalq ta’limi bo‘limiga qarashli 40-umumta’lim maktabi o‘qituvchisi, tumanning Nakurt mahallasida yashagan S.A. hamkasbi, ammavachchasi B.X. bilan qasddan odam o‘ldirganlikda ayblangan.

Jinoyatga qo‘l urgan bu ikki o‘qituvchiga nisbatan sud jarayoni boshlandi. Jinoyat ishi viloyat sudining sudyasi T.Qodirov raisligida ko‘rib chiqilmoqda.

Jinoyat ishidagi hujjatlarga ko‘ra, Payariq tumani xalq ta’limi bo‘limiga qarashli 40-umumta’lim maktabi o‘qituvchisi vazifasida ishlab kelib, hayotga qarshi jinoyatlar turkumiga kiruvchi - javobgarligida og‘irlashtiruvchi holatlarda, ya’ni bir guruh shaxslar bilan bezorilik oqibatida, o‘ta shafqatsizlik bilan ojiz ahvoldagi shaxsni qasddan o‘ldirishda ifodalangan, tasniflanishiga ko‘ra o‘ta og‘ir jinoyatlarni quyidagi usul, vaqt va holatlarda qasddan sodir qilgan.

Jumladan, S.A. 2019 yil 23 oktyabr kuni 40-umumta’lim maktabi o‘qituvchisi, ya’ni ammavachchasi B.X. bilan o‘zlari yashab kelayotgan Payariq tumani, Nakurt mahallasi, Qo‘shilish qishlog‘ida yashovchi Sh.Ch.ning yashash uyida bo‘lgan to‘y marosimida spirtli ichimlik iste’mol qilgan.

Spirtli ichimlik ta’sirida bo‘lgan bu ikkovlon soat 18:00 da uyga qaytayotgan vaqtida qishloq ichki yo‘li bo‘ylab Qo‘shrabot tumani, Quvkalla qishlog‘ida yashovchi, Payariq tumani veterinariya va chorvachilikni rivojlantirish bo‘limi mudiri S.U. bilan kelib chiqqan kelishmovchilik oqibatida qasddan uni urib o‘ldirgan.

Sobiq o‘qituvchilarga nisbatan 2019 yil 24 oktyabr kuni qamoq ehtiyot chorasi qo‘llanilgan.

Otabek QODIROV,

jinoyat ishlari bo‘yicha viloyat sudi sudya katta yordamchisi.