Мустақил Давлатлар Ҳамдўстлиги миссияси вакиллари сайлов жараёнларини фаол кузатмоқда
Самарқандда ўтаётган сайлов жараёнларида халқаро кузатувчилар ҳам фаол қатнашмоқда.
Жумладан, Мустақил Давлатлар Ҳамдўстлиги миссияси вакиллари Самарқанд давлат чет тиллар институтида жойлашган 63-сайлов участкасидаги сайлов жараёнларини кузатишди.
- Сайловлар очиқлик, адолат тамойилларига мос ўтмоқда, - дейди миссиянинг қозоғистонлик вакили Мадина Абиева. - Кузатувларимиз давомида бирор-бир ҳолатда қонун бузилиш ҳолатларини кузатмадик. Демак, сайловга янгича ёндашув амалда ўз исботини топмоқда. Сайловчиларнинг фаоллиги бунинг ёрқин исботидир.
