Танқиддан сўнг Иштихонда светофорлар тартибга келтирилди
Самарқанд вилояти ИИБ жорий йилнинг 24 июнида “Иштихон овози” телеграмм канали ва Zarnews.uz сайтида “Туманимиздаги светофорлар қачон бардавом ишлайди?!” номли мақолага муносабат билдирди.
Мақолада туманимиздаги светофорларнинг мунтазам ишламаслиги ҳаракат қатнашчиларига жиддий ва хавфли ноқулайликлар келтириб чиқараётганлиги ҳамда тирбандликларга сабаб бўлаётганлиги айтилган. Мисол сифатида туман марказий йўли ва Қурувчилар кўчаси кесишган чорраҳадаги носоз светофор кўрсатиб ўтилган эди.
Ниҳоят масъул ташкилотлар томонидан мазкур чорраҳадаги салбий ҳолат бартараф этилди. Ҳозирда бу ердаги машиналар оқими светофор томонидан тартибга солинмоқда.
