“SBTUIT OPEN 2019” олимпиада ғолиблари аниқланди
Аввал хабар берганимиздек, жорий йилнинг 15 декабрь куни Тошкент ахборот технологиялари университети Самарқанд филиалида вилоят олий таълим муассасаларининг I босқич талабалари, академик лицей, коллеж ва умумий ўрта таълим мактаблари ўқувчилари ўртасида дастурлаш бўйича “SBTUIT OPEN 2019” олимпиадаси бўлиб ўтди.
Олимпиада натижаларига кўра, 1-ўрин ТАТУ Самарқанд филиали академик лицейи ўқувчиси Мақсуд Баҳриддинов, 2 ва 3-ўринлар ТАТУ Самарқанд филиали талабалари Акбар Абдуллаев, Шароф Худойбердиевга насиб этди.
Танловнинг “Энг яхши дастурчи қиз” номинациясида Самарқанд давлат университети талабаси Маҳбуба Салимова, “Энг тез ишланган масала” номинацияси бўйича эса ТАТУ Самарқанд филиали талабаси Шеҳроз Нурлиев ғолиб деб топилди.
ТАТУ Самарқанд филиали ахборот хизмати.
