Afg‘on xotin-qizlari talaba bo‘lish huquqi uchun kurashmoqda
“Ta’lim – bizning huquqimiz”. Shunday shior bilan o‘nlab ayollar Afg‘onistonning yirik shaharlari ko‘chalariga chiqib, mamlakatda hokimiyatni egallab olgan Tolibon tomonidan e’lon qilingan universitetlarda ta’lim olish taqiqlanishiga qarshi chiqdi.
Endilikda afg‘on qizlari uchun maktab rasman 12 yoshda tugaydi, undan keyin faqat o‘g‘il bolalar maktabga borishi mumkin.
Qo‘shni Pokistonda bir guruh afg‘onistonlik talabalar birdamlik mitingi o‘tkazdi.
"Ta’limsiz yutuq, natija bo‘lmaydi, ilmsiz hech bir xalq muvaffaqiyatga erisha olmaydi. Qizlarni ta’limdan chetlashtirish - sharmandali qaror. Dunyoning qayerida qizlarga o‘qishga ruxsat berilmagan?", dedi miting ishtirokchisi Abdul Baki.
Afg‘on ayollarining misli ko‘rilmagan saylov huquqlaridan mahrum bo‘lishi jamoat joylarida boshdan-oyoq yopiq kiyim kiyishdan boshlandi. Kun sayin ayollarning ish topishi qiyinlashmoqda. Bir necha kun oldin islom fundamentalistlari barcha nodavlat tashkilotlarga hijob o‘rash qoidalariga rioya qilmagani sababli ayol xodimlarni ishga olishni taqiqlagan edi.
Yevropa Ittifoqi, Amnesty International, Xalqaro Qutqaruv qo‘mitasi va boshqalar Tolibon tomonidan ko‘rilgan yangi choralarni qoralamoqda.
