AQSh Yevropa ittifoqi bilan hamkorlikda Belarusga qarshi sanksiyalar joriy etadi
Bu haqda AQSh davlat kotibining Yeropa va Yevroosiyo masalalari bo‘yicha yordamchisi o‘rinbosari Jorj Kent ma’lum qildi.
“Ayni vaqtda Yevropa ittifoqi va Buyuk Britaniya, shuningdek, Kanadadagi hamkorlarim bilan doimiy aloqada bo‘lib turibman. Biz muvoffiqlashtirilgan qarorni e’lon qilishga harakat qilmoqdamiz”, dedi amerikalik diplomat.
17 sentyabr kuni Yevropa kengashi Belarusda o‘tkazilan saylov natijalarini qalbakilashtirishda va mamlakatdagi zo‘ravonliklarga javobgar bo‘lgan Aleksandr Lukashenko va boshqalarga nisbatan sanksiyalar joriy etilishini qo‘lladi. So‘nggi qarorni Yevropa ittifoqi kengashi qabul qiladi.
Belarusda 9 avgust kuni o‘tkazilgan prezident saylovlaridan buyon ommaviy namoyishlar davom etmoqda. Rasmiy natijalarga ko‘ra, saylovlarda 80 foizdan ko‘p ovoz olgan Aleksandr Lukashenko g‘olib bo‘ldi.
