Bu yilgi test natijalari bir hafta muddat ichida e’lon qilinadi
2019-2020 o‘quv yili qabulida abituriyentlar uchun bir qator imtiyoz va qulayliklar yaratilmoqda.
Oliy va o‘rta maxsus ta’lim vazirligining rasmiy axborotiga ko‘ra, joriy yilda kirish test sinovlari 25 iyuldan 20 avgust kuniga qadar tashkil etiladi.
Abituriyentning test sinovida to‘plagan ballari haqidagi ma’lumot test sinovi o‘tkazilgan kunning ertasiga, uning talabalikka tavsiya etilgani yoki etilmagani bo‘yicha belgilangan tartibda tasdiqlangan tanlov natijasi test sinovlarini o‘tkazish jarayoni to‘liq yakunlangandan keyin bir hafta muddat ichida Davlat test markazining rasmiy veb-saytida e’lon qilinadi.
