Dunyodagi eng qisqa alifbo

Tinch okeanidagi Bugenvil oroli aholisi gapiradigan rotokas tili alifbosida atigi 12 ta harf bor.

U lotin alifbosiga asoslangan bo‘lib, a, e, g, i, k, o, p, r, s, t, u, v harflardan iborat. Rotokas tilida undoshlar soni ham juda kam: atigi yettita. Bu tilda so‘zlashuvchilarning umumiy soni taxminan 4 ming kishini tashkil qiladi.

Filologlar Rotokas tilini papua tillari sharqiy papua guruhiga mansub deb tasniflashadi. So‘zlovchilar sonining ozligiga qaramay, Rotokas uchta - Markaziy, Aita va Pipipay shevalariga ega.

Ma’lumot o‘rnida: 10 000 kvadrat kilometr maydonga ega Papua-Yangi Gvineya davlati tarkibiga kiradigan Bugenvil oroli Avstraliyaning sharqida joylashgan. Orol dunyodagi birinchi fransuz ekspeditsiyasining rahbari, mashhur fransuz dengizchisi Lui Antuan de Bugenvil (1729–1811) sharafiga nomlangan.