Elektr ta’minoti: 152 ta fiderdan 55 tasi tarmoqqa qayta ulandi

Avvalroq kuchli shamol ta’sirida ko‘plab hududlarda elektr ta’minotida uzilishlar bo‘lgani xabar qilingandi. Jumladan, energetika vazirligi avariyalar ta’sirida Samarqandda 114 ming iste’molchi elektr energiyasidan uzilganini ma’lum qilgandi.

Vazirlik xabariga ko‘ra, soat 12 00 holatida Samarqand viloyati bo‘yicha 152 ta fiderdan 55 tasi tarmoqqa ulangan. Natijada 57 ming iste’molchining elektr ta’minoti qayta tiklangan.
Hozirgi vaqtda tezkor brigadalar tomonidan qolgan fiderlarda ta’mirlash-tiklash ishlari olib borilmoqda.

Nosozliklar qisqa vaqt ichida bosqichma-bosqich bartaraf qilinib, iste’molchilarning elektr ta’minoti qayta tiklanishi ma’lum qilinmoqda.