Yevropa davlatlari Rossiyani DXR va LXRni tan olishdan bosh tortishga chaqirdi

Yevropaning olti davlati Rossiyani Donetsk va Lugansk xalq respublikalarini (DXR va LXR) tan olmaslikka chaqirdi. Bu haqda Fransiyaning BMTdagi doimiy vakili Nikola de River ma’lum qildi, deb yozadi “TASS”.

Fransiya, Germaniya, Irlandiya, Estoniya, Albaniya va Norvegiya o‘zini o‘zi e’lon qilgan respublikalarni tan olishni rad etishga chaqiruvchi hujjatni imzoladi. "Biz bunday harakat Ukraina suvereniteti, shuningdek hududiy yaxlitligi va Minsk kelishuvlarining ruh hamda mohiyatini yanada buzishi haqida ogohlantiramiz", dedi de River.

Avvalroq NATO bosh kotibi Yens Stoltenberg ham agar Rossiya DXR va LXRni tan olsa, bu Ukraina suverenitetiga salbiy ta’sir etadi, deb aytgan edi. Ukraina prezidenti Vladimir Zelenskiy rossiyalik hamkasbi Vladimir Putin stavkalarni oshirish uchun shunday qadam tashlashi mumkinligini aytdi.

Davlat Dumasining DXR va LXRni tan olish haqidagi taklifi 15 fevral kuni kelib tushdi: reyting ovoz berish chog‘ida deputatlar zudlik bilan Rossiya prezidentiga tegishli so‘rov bilan murojaat qilishga qaror qilishdi. Parlament a’zolarining so‘zlariga ko‘ra, Donbassda 800 mingga yaqin Rossiya fuqarolari bo‘lib, Rossiya "Konstitutsiya bo‘yicha" ularga yordam ko‘rsatishga majbur.