Gaitida harbiy holat va motam e’lon qilindi
Gaitida harbiy holat va respublika prezidenti vafoti munosabati bilan ikki haftalik motam e’lon qilindi.
Vaziyat armiya va politsiya tomonidan nazorat qilinmoqda, dedi bosh vazir vazifasini bajaruvchi, vatandoshlarini "demokratiyani himoya qilish uchun birlashishga" chaqirib.
Jovenelle Moiz kecha, 7 iyun kuni kechqurun Port-o-Prensdagi qarorgohida noma’lum shaxslar tomonidan otib o‘ldirildi. Gaitining birinchi xonimi yaralandi. Dastlab Martin Moise og‘ir ahvolda kasalxonaga yotqizilgan edi.
Bu 2017 yilda prezident lavozimiga kirishgan Moiz hayotiga suiqasd qilishga birinchi urinish emas. 2018 yil oktyabr oyida davlat asoschisi va mamlakatning milliy qahramoni Jan-Jak Dessalinning vafot etganining 212 yilligiga bag‘ishlangan marosimda Moizga o‘q uzildi. Prezident jiddiy jarohat olmadi.
Jovenel Moiz 2016 yil noyabr oyida Gaiti prezidenti etib saylangan edi. Uning raqiblari Moizning iste’foga chiqishini talab qila boshladi. Biroq, u prezidentlik vazifasiga saylovlardan bir yil o‘tib kirishgani uchun vakolat muddati 2022 yil fevralida tugashini da’vo qildi.
Moise iste’foga chiqishni rad etgach, minglab gaitiliklar norozilik namoyishlariga chiqishdi.
"Men hozirgina Vazirlar Kengashining navbatdan tashqari yig‘ilishini boshqardim va biz mamlakat hududida qamal holatini e’lon qilishga qaror qildik", dedi Gaiti Bosh vaziri Klod Jozef.
Puxta rejalashtirilgan qotillik bir guruh xorijiy yollanma askarlar tomonidan amalga oshirilgan, deyishmoqda Gaiti rasmiylari. Ularni qo‘lga olishda yordam uchun hukumat AQShga murojaat qildi.
"Biz qo‘shimcha ma’lumotga muhtojmiz, ammo u yerda sodir bo‘layotgan voqealar jiddiy tashvish tug‘diradi", dedi Amerika yetakchisi Jo Bayden xalqaro hamjamiyatning aksariyat vakillari kabi orol davlati rahbarining o‘ldirilishini qoralab.
"Ushbu jinoyat beqarorlik va zo‘ravonlikning kuchayishi xavfini tug‘diradi", deb yozgan Yevropa Ittifoqi diplomati Xosep Borel o‘zining Twitter sahifasida.
Xabar qilinishicha, BMT Xavfsizlik Kengashi bugun, 8 iyul kuni Gaitida favqulodda yig‘ilish o‘tkazadi.
