"Gazetalar har 10 kunda kelyapti"

Past Darg‘om tumanidagi 23 -o‘rta umumta’lim maktabi o‘qituvchilari 2019 yil uchun "Xalq so‘zi", "O‘zbekiston ovozi", "Zarafshon", "Past Darg‘om haqiqati" kabi 20 nomdagi matbuot nashrlariga obuna bo‘lgan. Ammo gazetalarning vaqtida keltirilmasligidan muallimlar e’tiroz bildirmoqda.

- O‘qituvchilarimiz gazeta o‘qishga juda qiziqadi, yangi sonlarini tez-tez so‘rashadi, - deydi maktab kutubxonachisi Ganjina Hamidova. - Lekin obunani tashkil etgan pochta idorasi Past Darg‘om tuman bo‘limi xodimlari gazetalarni har 10 kunda bir marta keltirishadi.

Darhaqiqat, biz kutubxonadagi gazetalar taxlamini kuzatganimizda gazetalarning oxirgi soni 2 fevralda kelganiga guvoh bo‘ldik.

Dilmurod TO‘XTAYEV.