Ijtimoiy tarmoqlarda imtihon savollari tarqalib ketganiga izoh berildi

Ijtimoiy tarmoqlarda Ona tili va adabiyoti fanidan imtihon test topshiriqlarining rasmlari tarqalib ketdi.

Ushbu holatga Davlat test markazi izoh berdi:

Ona tili va adabiyoti fanidan test topshiriqlari aks etgan 1134532 raqamli test topshiriqlari kitobi 2021 yilgi diagnostik test sinovlariga taalluqli bo‘lib, mazkur test topshiriqlari kitoblari 2021/2022-o‘quv yili uchun oliy ta’lim muassasalarining bakalavriat ta’lim yo‘nalishlariga kirish test sinovlariga tegishli emas.

Qayd etish kerakki, joriy yilgi test sinovlarida test topshiriqlari soni qisqartirilgan bo‘lib, 66-75-test topshiriqlari mavjud emas.

Majburiy fanlar blokining ona tili fanidan test topshiriqlari aks etgan 1565631 raqamli test topshiriqlari kitobi 9 avgust kuni Toshkent shahrida o‘tkazilgan test sinovlariga taalluqli bo‘lib, mazkur abituriyent test sinovi vaqtida telefondan foydalangani videokuzatuv orqali aniqlanib, Vazirlar Mahkamasining 2018 yil 3 apreldagi 261-son qarori bilan tasdiqlangan Nizomning 52-bandiga muvofiq test sinovidan chetlashtirildi.