Iqtisodiy qiyinchilikka uchragan fuqarolarga motoroller berildi
Kattaqo‘rg‘on shahrida “Temir daftar”, “Yoshlar daftari” va “Ayollar daftari”ga kiritilgan oilalar bilan muntazam ravishda manzilli ishlar amalga oshirilmoqda. Bu boradagi chora-tadbirlar asosida olib borilayotgan ishlar natijasida ishsiz, ijtimoiy qiyin ahvolda bo‘lgan aholi moddiy sharoitini yaxshilamoqda, daromad manbaini yaratmoqda.
Yaqinda shahardagi 2-sektor hududida yashovchi shunday fuqarolarning 5 nafariga sektor rahbari Sh.Jumayev imtiyozli kredit asosida xarid qilish uchun "ELDOSH EL-200" rusumli motorollerlarni topshirdi.
Shu kuni fuqarolarga bank mutasaddilari tomonidan kredit tartibi bo‘yicha ham tushunchalar berildi.
Hilola ERGAShEVA.
