"Ishtixon dehqon bozori"da ta’mirlash ishlari yakunlandi
Avval xabar berganimizdek, "Ishtixon dehqon bozori" hududida ta’mirlash ishlari olib borilayotgan edi. Natijada bozordagi tadbirkorlar ko‘cha yoqasiga chiqib ketib, transport harakatiga halaqit berilayotgan holat qayd etilgandi.
Mazkur bozorda ta’mirlash ishlari nihoyasiga yetdi. Savdo-sotiq bilan shug‘ullanuvchi tadbirkorlarning barchasi yana bozor rastalaridan joy egallashdi. Bugun ko‘cha yoqasidagi savdo rastalari o‘rnatilgan joylar tozalanib, turli chiqindilar maxsus transportlarda olib chiqib ketilmoqda.
Endi ko‘cha ustidagi savdo rastalari tufayli yuzaga kelgan tirbandliklar va antisanitariya holatlari barham topadi, degan umiddamiz!?
