Kattaqo‘rg‘on tumanida 2 qavatli, 75 o‘rinli bolalar bog‘chasi qurib berildi
Bugun Kattaqo‘rg‘on tumanidagi Qoqsoy mahallasida Navro‘z bayrami munosabati bilan 43-maktabgacha ta’lim muassasasi foydalanishga topshirildi. Yangi bog‘cha 75 o‘ringa mo‘ljallangan, ikki qavatli bo‘lib, uni bunyod etishga 1 milliard 777 million so‘m mablag‘ sarf qilindi.
Bino Turon qurilish tashkiloti quruvchilari tomonidan 8 oyda bitkazildi.
Maktabgacha ta’lim muassasasining tantanali ochilish marosimida tuman hokimi A.Baxromov so‘zga chiqib, barcha mahalla ahlini Navro‘z bayrami bilan tabrikladi.
Mahalla ahli, nuroniy otaxonlar, tuman hokimligi bog‘chada bolalarga yaratilgan sharoitlar bilan tanishdi.
